Abdurauf Abdurahim o‘g‘li Fitrat 1886 yil Buxoroda ziyoli oilasida tug‘ildi. U o‘zbek va fors tilining nazokatlarini ilk bor onasi Bibijon otindan o‘rgandi, dastlab eski maktabda, so‘ngra Mir Arab madrasasida o‘qidi.1909-1913 yillarda esa adib Turkiyada, Istanbul doilfununida tahsil oladi. U yerda zamondoshlari bilan birgalikda «Buxoro ta’limi (umumiy) maorif jamiyati» ni tuzadi. Mashhur yozuvchi Sadriddin Ayniy «Fitrat Istanbulga borib o‘qigan talabalar orasida eng iste’dodlisi va fozili edi» degan fikrni aytgan edi. Fitrat 1919-20 yillarda Afg‘oniston hukumatining Toshkentdagi vakolatxonasida tarjimon, «Turon», «Buxoroi sharif», «Oina» kabi ko‘pgina gazeta va jurnallarni tashkil etishda bosh – qosh bo‘ddi, Turkistonda til, adabiyot, san’at masalalari bilan ilk bor tashkiliy ravishda shug‘ullangan «Chig‘atoy gurungi» tashkilotiga rahbarlik qildi, Buxoro xalq Respublikasining bir qator rahbar lavozimlarida ishladi. Buxoro amiriga berilgan ultimatum ham uning qalami bilan yozildi.
Suratlari va 6 varoq
There are no reviews yet.